Huokauksia

Pyhäinpäivä on sujunu rauhallisesti. Olema olhet tässä kotosalla päivän, vähä siivoilhet ja semmosta. Äsköin kävimä mammulassa. Kohta mie alan tekemhän torttuja ja Ruusunen aikoo leipoa isälensä piirakan. Sitte laitama valkean takkahuonhen piishin, ja saunan jälkhin paistama siinä makkarat.

Eilen olit tanssit. Ei ollu väkeä, muutama hullu henki järjestäjitten lisäksi. Kyllä se vähä suututtaa ko kyllä siinä on aina oma hommansa järjestää semmoset. Pitkäaikanen harjottellee monta päivää, keksii uusia kipalheita ohjelmisthon ja sitte saapii tyhjile seinile soittaa. Pistää se vähä mielen matalaksi. Nyt on semmonen mieliala, että haluttais pikkujoulukki unehuttaa. Ei sinne kuitenkhan kethän tule. Ei ees omakyläläiset.

Aika pakkanen on ollu, toistakymmentä astetta. Lunta ei vielä juurikhan ole tullu, mutta järvi se kyllä oli jo aivan jäässä. Taivas oli iltapäivälä ihanan vaaleansininen ja -punanen, puut olit paksussa huurtessa vitivalkosina. Kaunista oli.

Ei ole kovin reipas olo.